Dortmund "Borussiya"sının baş direktoru Hans-Yoahim Vatske klubla müqaviləsini yeniləməyəcək.
Bizim.Media "Sky Sport"a istinadən xəbər verir ki, bu barədə mütəxəssis öz açıqlamasında bildirib.
O, 2025-ci ilin yayına qədər nəzərdə tutulan sözləşməsi başa çatdıqdan sonra Almaniya təmsilçisini tərk edəcəyini deyib:
“Yeni müqavilə imzalamayacağam. Gələn ilin payızında direktor vəzifəsini tərk edəcəyəm”.
64 yaşlı funksioner 2005-ci ildən "Borussiya"nın baş direktoru vəzifəsində çalışır. Bu müddət ərzində “Borussiya” 2 dəfə Bundesliqanın qalibi olub, 3 dəfə Almaniya kubokunu qazanıb və Çempionlar Liqasının finalına yüksəlib.
Bizim.Media
