Qəzza zolağında 4 girovun azad edilməsi Yaxın Şərqdə hərbi əməliyyatların dayandırılması üçün yeni ümidlər vəd edir.
İqtisadiyyat.az xəbər verir ki, bunu Almaniyanın xarici işlər naziri Annalena Burbok deyib.
"İsrail ordusu tərəfindən azad edilən dörd girovun ailələri üçün bu, onların çox az ümid bəslədikləri xoşbəxtlik anı, Yaxın Şərq xalqları üçün isə əzabların sona çatacağına dair ümid işığıdır. Ümid edirik ki, qalan girovlar da azad edilərək yaxınlarına qovuşacaq", - deyə Burbok bildirib.
"HƏMAS vəziyyətə nəzarət edir və atəşkəs təklifi ilə razılaşmalıdır", - o vurğulayıb və əlavə edib ki, bu təkliflər masadadır və müharibənin sonunun başlanğıcı ola bilər.
