Aprelin 29-dan mayın 26-dək dünyada təxminən 130 min nəfər koronavirus infeksiyasına yoluxub.
Təxminən 1,9 min nəfər COVID-19-dan dünyasını dəyişib.
“Cebhe.info” xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.
ÜST-ün bülleteninə görə, 29 aprel - 26 may tarixləri arasında dünyada 129,889 yoluxma və 1,891 ölüm hadisəsi qeydə alınıb. Bu, əvvəlki dörd həftə ilə müqayisədə müvafiq olaraq 11% və 36% azdır. ÜST vurğulayıb ki, onun məlumatları sınaqların və genomik ardıcıllığın azalması səbəbindən COVID-19-a yoluxma və ölüm nisbətlərini tam əks etdirmir.
Dörd həftə ərzində ÜST 94 ölkədən yeni COVID-Ə yoluxma, 28 ölkədən isə ölümlər barədə məlumat alıb. Rusiya Federasiyası ilə yanaşı, ən çox yeni xəstəliyə yoluxma hallarının qeydə alındığı ilk beş ölkəyə Avstraliya (19 638), Yeni Zelandiya (13 245), Böyük Britaniya (10 540) və Tayland (7 355) daxildir. Dörd həftə ərzində ən çox ölüm halı ABŞ-də qeydə alınıb – 1319. Rusiyada (152), Yeni Zelandiyada (62), Avstraliyada (50) və Çində (49) hal aşkarlanıb.
ÜST məlumatları regionlarda heterojen xəstələnmə modelini göstərir. Cənub-Şərqi Asiyada yeni Covid hadisələrinin sayı 43%, Qərbi Sakit okean regionunda isə 14% artıb. Eyni zamanda, Şərqi Aralıq dənizində xəstələrin sayı 52%, Afrikada 36%, Avropada 24%, Amerikada isə 23% azalıb.
