Dünyanın keçmiş ən dəyərli şirkəti "Nvidia" üç ticarət günündə 550 milyard dollar dəyər itirib. AFN.az "Financial Times"a istinadən xəbər verir ki, şirkətin maksimum 3,46 trilyon olan kapitallaşması iyunun 24-də 2,905 trilyona düşüb.Gündaxili zirvəsi ilə müqayisədə səhm qiyməti dövr ərzində 16 faiz ucuzlaşıb. Onların hər birinin bağlanışında bazar dəyərinə əsasən, üç günlük azalma 430 milyard dollar təşkil edib, lakin bu, həm də tarixdə rekord üç günlük eniş olub.Amerika çip istehsalçısını sənayedəki digər şirkətlər də izləyib. Belə ki, "Broadcom"un səhmləri 4 faiz, "Qualcomm" 5,5 faiz, ARM 5,8 faiz və ABŞ-da Tayvan Yarımkeçirici İstehsalat Şirkəti 3,5 faiz ucuzlaşıb.Buna baxmayaraq, 18 iyunda "Nvidia" 2019-cu ildən bəri dünyanın ən dəyərli şirkətlərinin zirvəsində yerlərini dəyişən "Microsoft" və "Apple"ın hegemonluğunu qıra bilıb. Bu nəticə ilin əvvəlindən istehsalçının səhmlərinin dəyərinin 140 faiz artması nəticəsində mümkün olub.Bu enişin mümkün təkanvericisi "Nvidia" CEO-su Jensen Huangın zirvəyə yaxın və ya zirvədə olduğu bir vaxtda təxminən 95 milyon dollarlıq səhm satması xəbəri olub. Bununla belə, satış gözlənilməz olmayıb - o, cari qanunvericiliyə uyğun olaraq mart ayında təsdiq edilmiş ticarət planı çərçivəsində həyata keçirilib. Bu cür planlar korporasiya üzvlərinə daxili ticarət ittihamlarından qaçmağa imkan verir."Nvidia" süni intellekt inqilabından əsas fayda götürənlərdəndir. "OpenAI" (ChatGPT-nin yaradıcısı) şirkətin GPU-larında əlaqəli inkişafın çox hissəsini həyata keçirir. Cəmi bir il ərzində istehsalçı üç dəfə bahalaşın və Huangın sərvəti beş ildə 30 dəfə artıb.
