Yeni texnologiyanı hazırlamaq üçün alimlər idarə olunan, lakin real mühitdə spirtli içkinin təsiri altında olan sürücülər haqqında məlumat toplamaq üçün “MiX by Powerfleet” proqramından istifadə ediblər.
...Tərtibatçılar simulyatorda sürücülərin iştirakı ilə standart RGB kameradan istifadə edərək bir sıra videolar çəkiblər və eksperiment iştirakçıları alkoqol intoksikasiyasının dərəcəsinə görə üç qrupa bölünüblər: tamamilə ayıq, aşağı və yüksək intoksikasiya səviyyəsi.
Daha sonra videoyazılar alkoqolun nəqliyyat vasitəsini idarə etmək qabiliyyətinə təsir dərəcəsini qiymətləndirmək üçün videodan istifadə edə bilən maşın öyrənmə sistemi tərəfindən təhlil edilib. Sistem sürücünün üz ifadələri, başının mövqeyi və baxışlarının istiqaməti kimi amilləri tanıyıb və nəzərə alıb.
...Sistemimiz üç səviyyəli təsnifat üçün 75 faiz ümumi dəqiqliklə müxtəlif səviyyələrdə spirt intoksikasiyasını aşkar edir.
SİA-nın əldə etdiyi məlumata görə, bunuECU PhD tələbəsi Ensie Keştkaran deyib.
O, həmçinin əlavə edib ki, texnologiya sürücünün sərxoşluq səviyyəsini hərəkətin başlanğıcında müəyyən etməyə qadirdir. Sürücünün davranışının təhlili əsasında sərxoşluğun müəyyən edilməsi üsulları isə pozuntunun aşkarlanması üçün daha uzun müddət tələb edir.
ECU-nun baş müəllimi Dr Syed Zulqarnain Gilaninin sözlərinə görə, tədqiqat proqramının növbəti mərhələsi bu alqoritmdən istifadə etmək üçün tələb olunan minimum təsvir ayırdetmə qabiliyyətini müəyyən etməkdir.
...Aşağı ayırdetmə qabiliyyətinə malik video kifayət edərsə, texnologiya yol kənarındakı müşahidə kameraları tərəfindən istifadə edilə bilər.
Bu halda hüquq-mühafizə orqanları nəqliyyat vasitələrinin saxlanması və sərxoş sürücülərin daha sonra avtomobil idarə etməsinin qarşısını almaq üçün kamera məlumatlarından əsas kimi istifadə edə biləcəklər.
Əli Babayev
