Cənubi Koreya, ABŞ və Yaponiya Cənubi Koreyanın Ceju adasının cənubundakı beynəlxalq sularda “ilk üçtərəfli çoxdomenli Freedom Edge təliminə” başlayıblar.
Bu barədə Yonhap xəbər agentliyi məlumat yayıb.
Təlimlərə təyyarələr, helikopterlər və döyüş gəmiləri, o cümlədən ABŞ Hərbi Dəniz Qüvvələrinə məxsus "USS Theodore Roosevelt" aviadaşıyıcısı və Cənubi Koreyanın "ROKS Seoae Ryu Seong-ryong" esminesi daxildir.
Xəbər agentliyi qeyd edir ki, Cənubi Koreya, ABŞ və Yaponiya əvvəllər birləşmiş dəniz və hava təlimləri keçiriblər, lakin "Freedom Edge" təlimi onların "birdən çox sahə üzrə keçirilən ilk üçtərəfli təlimidir".
İyunun 29-na qədər davam edəcək təlimdə "ballistik raketdən müdafiə, hava hücumundan müdafiə, sualtı qayıqlara qarşı mübarizə, axtarış-xilasetmə, dənizin qarşısının alınması və müdafiə üçün kiber təlimlər keçiriləcək".
