Emmanuel Makronun növbədənkənar parlament seçkilərinin keçirilməsi ilə bağlı "böyük gözləntiləri"nin uğursuzluğa düçar olma ehtimalı var.
İqtisadiyyat.az xəbər verir ki, bu barədə "Sky News"un Avropa müxbiri Adam Parsons məlumat verib.
Qeyd edilib ki, ictimai rəy sorğularına görə, qarşıdan gələn səsvermə zamanı əksəriyyət Marin Le Penin sağçı Milli Rallisinin tərəfində olacaq, ikinci yeri solçu qüvvələrin birliyi sahiblənəcək, Makronun partiyası üçüncü olacaq. Bu halda Baş nazir vəzifəsini siyasi ideyaları əsasən hazırkı prezidentin fikirlərinə zidd olan Milli Mitinq partiyasının 28 yaşlı sədri Cordan Bardella tutacaq.
"Sky News" müxbiri qeyd edir ki, Avropa Parlamentinə seçkilərdən əvvəl də Fransa Prezidentinin partiyasının böyük ehtimalla məğlubiyyətə uğrayacağı bəlli idi. Eyni zamanda, məğlubiyyətindən sonra Makron ölkə parlamentinin buraxıldığını elan etdi və növbədənkənar seçkilər təyin etdi.
"Onun məntiqi ondan ibarət idi ki, Fransa xalqı fikrini dəyişəcək və ümumiyyətlə radikal siyasətdən, xüsusən də Milli Rallidən üz döndərəcək", - deyə Parsons yekunlaşdırıb.
