Macarıstanın baş naziri Viktor Orban Ukrayna prezidenti Volodimir Zelenski ilə danışıqlar aparmaq üçün bu gün səhər saatlarında Kiyevə gedib.
Missiya.Az "Tass"a istinadən xəbər verir ki, bu barədə Macarıstan hökumətinin başçısının mətbuat katibi Bertalan Havaşi məlumat yayıb.
"Görüşün əsas mövzusu sülhə nail olmaq imkanlarıdır",-deyə o qeyd edib.
Havasi bildirib ki, Orban və Zelenski Macarıstan-Ukrayna ikitərəfli münasibətlərinin aktual məsələlərini də müzakirə edəcəklər.
Qeyd edək ki, bu, Orbanın Ukraynada silahlı münaqişə başlayandan sonra Kiyevə ilk səfəridir.
Leyla SƏMƏNDƏRMissiya.Az
