Fransa prezidenti Emmanuel Makron və İsrailin baş naziri Benyamin Netanyahu İsrail və Livan arasında "Mavi xətt" adlanan sərhəd xəttindəki gərginliyi müzakirə ediblər. Makron İsrail və Hizbullah arasında Mavi xətt üzrə gərginliyin artması ilə bağlı ciddi narahatlığını ifadə edib.
Fransa prezidenti Emmanuel Makron və İsrailin baş naziri Benyamin Netanyahu İsrail-Livan sərhədindəki gərginliyi müzakirə ediblər.
Makron İsrail və Hizbullah arasında Mavi xətt üzrə gərginliyin artması ilə bağlı ciddi narahatlığını ifadə edib.
Bölgədə Livan və İsrailin maraqlarına zidd işləyəcək gərginliyin artmasının qarşısının alınması lazım olduğuna diqqət çəkən Makron, belə bir vəziyyətin regional sabitlik üçün son dərəcə təhlükəli bir inkişaf olacağını qeyd edib.
Makron bütün tərəflərin diplomatik həllə doğru sürətlə hərəkət etməli olduğunu vurğuladı və maksimum təmkinliliyin vacibliyini vurğulayıb.
Fransanın diplomatik həll üzərində işləməyə hazır olduğunu deyən Makron, İsrailin Rəfah və Xan Yunisdə yeni “əməliyyatına” qarşı olduğunu bildirib.
Bölgədəki “böhran”dan çıxmaq üçün iki dövlətli həllə gətirib çıxaracaq siyasi çərçivənin olması lazım olduğunu bildirən Makron, Fələstin hökumətinə pul köçürmələri qarşısında duran bütün maneələrin aradan qaldırılmasını tələb edib.
Makron işğal altındakı İordan çayının qərb sahilində 5 qeyri-qanuni məskunlaşmanın leqallaşdırılması ilə bağlı açıqlamaları iki dövlətli həll və sülh səylərinə xələl gətirdiyi səbəbiylə pisləyib.
İki siyasətçi görüş zamanı İranın nüvə proqramını da müzakirə ediblər.
