Niderland millisinin baş məşqçisi Ronald Kuman AÇ-2024-ün 1/8 finalında Rumıniya yığması üzərində qələbəni (3:0) şərh edib.
Arena.az UEFA-nın mətbuat xidmətinə istinadən, niderlandlı mütəxəssisin bu barədə fikirlərini təqdim edir:
“Bu gün başlanğıc ağır idi, amma sonda öz oyunumuzu tapdıq və onlara fəsadlar yaratdıq. Mümkün ki, təhlükəli məqamlardan biri, bizim ikinci qolu vurmağımız üçün gərək olan vaxt müddətində idi. Hücumumuzla Rumıniya yığmasına böyük fəsadlar yaşatdıq.
Son nəticə həmişə ən vacibidir. Bununla belə, biz niderlandlılarıq və yaxşı oynamalıyıq. Ümumilikdə bugünkü oyun əla alındı. Bu, bu yarışda çıxışımızı davam etdirməyə imkan verən vacib məqamdır”, deyə Ronald Kuman bildirib.
Beləliklə, 1/4 final mərhələsinə yüksəlmiş Niderland yığması bu mərhələdə Türkiyə millisi ilə mübarizə aparacaq. Rumıniya yığması isə Avropa çempionatını tərk edib.
