Azərbaycan Prezidenti İlham Əliyev və Rusiya Prezidenti Vladimir Putin bugünkü danışıqlarda xüsusilə Rusiya avtomobillərinin Azərbaycanda yığılmasını müzakirə ediblər.
Bakıvaxtı.az xəbər verir ki, bunu Rusiya baş nazirinin müavini Aleksey Overçuk jurnalistlərə açıqlamasında bildirib.
Overçuk qeyd edib ki, Azərbaycan Prezidenti ilə görüşdə ənənəvi olaraq sənaye əməkdaşlığının inkişafı, Rusiya avtomobillərinin Azərbaycan ərazisində yığılması məsələləri də müzakirə olunub:
“Bu il və son bir ildə Azərbaycan ilə Rusiya arasında ticarət dövriyyəsinin artımı iki ölkə iqtisadiyyatının fəal qarşılıqlı fəaliyyətini nümayiş etdirir”, - o əlavə edib.
Günel Abbas
