"Arsenal" "Brentford"dan icarəyə götürdüyü David Rayanın transfer hüquqlarını alıb.
QOL.az xəbər verir ki, bu barədə London təmsilçisinin rəsmi saytı məlumat yayıb.
Paytaxt klubu ispaniyalı qolkiper üçün "Brentford"a 27 milyon funt-sterlinq təzminat ödəyib.
Qeyd edək ki, David Raya 2023/2024 mövsümünü "Arsenal"da keçirib. İspaniya millisinin üzvü paytaxt təmsilçisinin heyətində 41 rəsmi matçda meydana çıxıb. O, son mövsümdə Premyer Liqada "Qızıl əlcək" mükafatının qalibi olub.
