İranlılar yeni prezidentlərini seçmək üçün seçkiyə gedirlər. Ölkədə keçirilən 14-cü prezident seçkilərinin ikinci turunda səsvermə müddəti növbəti dəfə uzadılıb. İkinci turda səsvermə daha 2 dəfə uzadılıb.
Elchi.az xəbər verir ki, İranın rəsmi İRNA agentliyinin məlumatına görə, Daxili İşlər Nazirliyinin Seçki Şurasının Mərkəzi sözçüsü Muhsin İslami səsvermə müddəti ilə bağlı açıqlama verib.
İslami yerli vaxtla saat 08:00-da başlayan və 18:00-da başa çatması gözlənilən, lakin əvvəlcə 20.00-a, daha sonra isə 22:00-a qədər uzadılan səsvermə müddətinin zərurətə uyğun olaraq Seçki Şurasının qərarı ilə saat 24.00-a qədər uzadıldığını bildirib.
İranın seçki qanunlarına görə, səsvermə üçün vaxtın uzadılması gecə saat 24:00-a qədər davam edə bilər, lakin bu saatdan sonra müddəti yenidən uzatmaq olmaz.
Ölkədə saat 24:00-da seçki mərkəzlərinin qapıları bağlıdır və həmin vaxta qədər mərkəzə daxil olan seçicilər səsvermələrini davam etdirə bilərlər.
İranda 62 milyon seçici üçün 59 mindən çox mərkəzdə yaradılmış seçki qutularında səsvermə davam edir.
Seçkilərdə islahatçı namizəd Məsud Pezeşkiyan və mühafizəkar namizəd Səid Cəlili mübarizə aparır.
Daxili İşlər Nazirliyindən verilən açıqlamada prezident seçkilərinin birinci turu ilə müqayisədə ikinci turda iştirakın artdığı bildirilib.
Tehranın ən böyük seçki mərkəzlərindən biri olan İrşad Hüseyniyyəsində və digər seçki məntəqələrində iştirakın birinci turla müqayisədə daha çox olduğu müşahidə edilib.
Prezident seçkilərinin birinci turunda namizədlərdən heç biri 50+1 faiz səs toplamadığından seçki ikinci tura buraxılıb.
Seçkilərin nəticələri ilə bağlı ilk məlumatların gecə yarısı açıqlanacağı, yekun nəticələrin isə sabah günortaya qədər açıqlanacağı gözlənilir.Nuranə Məmmədova
İranda prezident seçkilərinin ikinci turu! Səsvermə müddəti bir daha uzadıldı…
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
