ABŞ prezidenti Co Bayden əmin olduğunu bildirib ki, yalnız o, Rusiya prezidenti Vladimir Putinə müqavimət göstərə, Çini cilovlaya və NATO-nu vahid struktur kimi qoruya bilər. Bizimyol.info xəbər verir ki, bunu Amerika lideri "ABC" televiziyasına müsahibəsində bildirib. “Mən təkcə seçki kampaniyası aparmıram, həm də dünyanı idarə edirəm, Putinə qarşısında dayanmışam”, - deyə müsahibəsində bildirib ki, cümə günü o, İsrailin baş naziri Benyamin Netanyahu, Britaniya hökumətinin yeni rəhbəri Key Starmer ilə telefonla danışıb, həmçinin Avropa və digər məsələlərə diqqət yetirib. Belə ki, ABŞ prezidenti aparıcının müstəqil tibbi müayinədən keçməyə, o cümlədən əqli qabiliyyətini yoxlamağa və nəticələri dərc etməyə hazır olub-olmaması ilə bağlı sualını cavablandırıb. "Hər gün etdiyim hər işlə bu imtahandan keçirəm", - deyə Bayden bildirib. Aparıcı Amerika liderindən noyabrda keçiriləcək seçkilərdə qalib gəlsə, daha dörd il ölkəyə rəhbərlik edə biləcəyini soruşub və Baydenin əvvəlki xidmətlərindən deyil, gələcəkdə nələrə nail ola biləcəyindən danışmağı təklif edib. "Corc, mən NATO-nu bir araya gətirən adamam, bu gələcəkdir. Heç kim onu genişləndirə biləcəyimi düşünmürdü. Mən Putini dayandıran adamam, heç kim bunun baş verə biləcəyini düşünmürdü", - deyə prezident nə demək istədiyini izah etmədən iddialar səsləndirib. Bayden həmçinin 2021-ci ildə Avstraliya, Böyük Britaniya və ABŞ hökumətləri arasında təhlükəsizlik üzrə tərəfdaşlıq olan AUKUS-un yaradılmasını ən yüksək dövlət ofisində nailiyyətlərindən biri kimi qeyd edib. “Mən Ukraynaya kömək etmək üçün təkcə Avropada deyil, Avropadan kənarda 50 ölkəyə sahib olan adamam”, - deyə Bayden davam edib. Bundan əlavə, o, Yaponiyanın müdafiə xərclərinin artırılmasını, eləcə də Koreya Respublikası tərəfindən ABŞ-da yarımkeçirici istehsalına investisiya qoyuluşunu təmin etdiyini iddia edib. "NATO-nu başqa kim belə birləşdirə bilər? Sakit okean hövzəsini bu formada kim saxlaya bilər? Çin? Bunu başqa kim edə bilər?", - deyə Bayden müsahibəni bitirərkən deyib. Qadir, Bizimyol.info
