Niderland Futbol Federasiyası Avropa çempionatının 1/4 mərhələsi çərçivəsində bu gün saat 23:00-da keçiriləcək görüşdən öncə Türkiyəyə dostluq mesajı göndərib.
Bununla bağlı paylaşım Niderland Futbol Federasiyasının rəsmi "X" hesabında edilib.
Paylaşımda qeyd edilib:
"Oyun sevgisini paylaşın".
Türkiyə Futbol Federasiyası isə niderlandlıların bu mesajını cavabsız qoymayıblar. "Ay-ulduzlar" cavab olaraq "Oyunun həyəcanını bölüşürük", - deyə paylaşım ediblər.
Qeyd edək ki, Niderland - Türkiyə görüşü Bakı vaxtı ilə saat 23:00-da start götürəcək.
"Cebhe.info"
