Sahir Polad oğlu Məmmədxanov Qusar Rayon İcra Hakimiyyətinin başçısı təyin edilib.
“Qafqazinfo” xəbər verir ki, bununla bağlı Prezident İlham Əliyev Sərəncam imzalayıb.
Xatırladaq ki, Qusarın əvvəlki icra başçısı Şair Alxasov bu ilin mayında vəzifəsindən azad edilmişdi.
Qeyd edək ki, 65 yaşlı Sahir Məmmədxanov 2009-cu ildən vergilər nazirinin müavini, 2016-cı ildən isə vergilər nazirinin birinci müavini vəzifəsini icra edib.
2020-ci ildən isə iqtisadiyyat naziri Mikayıl Cabbarovun müşaviri olub.
Ailəlidir. 2 övladı var.
