Paris-2024 Yay Olimpiya Oyunlarının açılış mərasimi keçirilib.
Apasport.az xəbər verir ki, Sena çayında keçirilən mərasimdə Azərbaycan nümayəndə heyəti 16-cı keçib. İdmançılarımız mərasim zamanı yallı rəqsi oynayıblar.
Qeyd edək ki, Azərbaycan millisi sayca 33-cü Yay Olimpiya Oyunlarında 48 idmançı ilə təmsil olunur. Yığma 15 idman növü üzrə 17 proqramda çıxış edəcək. Paris-2024-ə avqustun 11-də yekun vurulacaq.
