Azərbaycan cüdoçusu Uşanqi Kokauri Fransanın paytaxtı Parisdə keçirilən Yay Olimpiya Oyunlarında növbəti görüşünə çıxıb.
Fanat.Az xəbər verir ki, 100 kq-dan yuxarı çəki dərəcəsində yer alan idmançımız 1/4 final mərhələsində koreyalı Minjonq Kim ilə üz-üzə gəlib.
Rəqibinə uduzan Kokauri yarımfinala adlaya bilməyib. O, bürünc medal üçün təsəlliverici görüş keçirəcək.
Qeyd edək ki, daha əvvəl cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olublar. Paris-2024 avqustun 11-də başa çatacaq.
