ABŞ Azərbaycanda əqli mülkiyyət hüquqlarının təmin olunmasına yardım etməyə hazırdır.
Ednews xəbər verir ki, bu barədə ABŞ səfirliyinin “X” sosial şəbəkəsində paylaşım edilib.
“ABŞ-nin Azərbaycandakı müvəqqəti işlər vəkili Uqo Gevara Ticarət Departamentinin Kommersiya Hüququnun İnkişafı Proqramı və Azərbaycandakı Amerika Ticarət Palatasının (AmCham Azerbaijan) birgə təşkil etdiyi əqli mülkiyyət hüquqlarının müdafiəsinə həsr olunmuş seminarda çıxışı zamanı Birləşmiş Ştatların Azərbaycanda əqli mülkiyyət hüquqlarının müdafiəsinin gücləndirilməsinə yardım etməyə sadiqliyini vurğulayıb”, - diplomatik nümayəndəliyin bəyanatında qeyd olunub.
