17 saylı Yasamal üçüncü seçki dairəsindən deputatlığa namizəd Göydəniz Qəhrəmanov seçicilərlə növbəti görüşünü keçirib.
Sfera.az xəbər verir ki, o, bu barədə özünün sosial şəbəkə hesabında yazıb.
"Bu dəfəki görüşümüz sakinlərin asudə vaxtlarını keçirdikləri axşam saatlarında baş tutdu. Görüş zamanı onların təkliflərini dinlədim, onları narahat edən sualları cavablandırdım. Öz növbəmdə platformamda sakinlərin sosial rifahının yaxşılaşdırılmasına yönəlik vacib məsələlər haqqında əhatəli məlumat verdim. Seçiləcəyim təqdirdə səlahiyyətlərim çərçivəsində lazımi addımları atacağımı onların diqqətinə çatdırdım. O cümlədən, hər bir sakinin seçkidə aktiv iştirak etməsinin vacibliyini bir daha vurğuladım".
