Rusiya ordusu Uqledar bölgəsində hücumu xeyli gücləndirib və indiyədək burada kiçik taktiki uğurlar əldə edib. Ruslar Ukrayna Müdafiə Qüvvələrinə təzyiqi artırmaq və Pokrovski istiqamətində gələcək uğurlara şərait yaratmaq istəyir.
Publika.az xəbər verir ki, bu barədə Amerikanın Müharibə Tədqiqat İnstitutu (ISW) məlumat yayıb.
Ruslar Ukrayna Silahlı Qüvvələrinin Donetskin qərbinə və cənub-qərbinə genişlənməsinin qarşısını almaq və H-15 magistralına (Donetsk - Zaporojye) və onun boyunca irəliləmək istəyirlər.
Analitiklərin fikrincə, rusların cənub cinahından Pokrovsk istiqamətində Ukrayna Silahlı Qüvvələrinin Uqledar ətrafında müdafiəsinin qərb cinahına koordinasiyalı hücumları, çox güman ki, Donetskin qərbini müdafiə edən ukraynalılara təzyiqi artırmaq məqsədi daşıyır. Həmçinin hədəf region və Pokrovsk istiqamətində gələcək uğurlar üçün şərait yaratmaqdır.
Eyni zamanda, Uqledar yaxınlığında hücumların intensivləşməsi Donetsk vilayətinin qərbindəki digər yerlərdə də əməliyyatların sürətini zəiflətməyəcək.
Donetskin cənub-qərbində fəaliyyət göstərən Ukrayna hava-desant briqadası sentyabrın 4-də Konstantinovka yaxınlığında Rusiyanın dörd tank və 17 zirehli döyüş maşınının gücləndirilmiş mexanikləşdirilmiş hücumunu dəf edən videonu nümayiş etdirib.
