...ABŞ Ukrayna Silahlı Qüvvələrinə Donetsk vilayətinin Pokrovsk şəhərinin müdafiəsinə kömək etmək üçün Ukrayna ilə sıx əməkdaşlıq etmək niyyətindədir.
SİA xarici qaynaqlara istinadən xəbər verir ki, bu barədə ABŞ-ın Birləşmiş Qərargah Rəisləri Komitəsinin rəhbəri, general Çarlz Braun Ukraynanın Müdafiəsi üzrə Təmas Qrupunun iclası başa çatdıqdan sonra keçirilən mətbuat konfransında bildirib.Braun qeyd edib ki, Rusiya Federasiyasının Kursk vilayətində keçirilən əməliyyat zamanı Ukrayna qüvvələri cəbhənin digər sektorlarını, xüsusən də Pokrovski istiqamətində müdafiə edə bilməlidir.
Kursk vilayətində keçirilən əməliyyatın Ukrayna Silahlı Qüvvələrini cəbhənin digər sektorlarını müdafiə etməkdən yayındırıb-çalışdırmadığı ilə bağlı sualı cavablandıran amerikalı general deyib ki, Pokrovska baxanda, bu, rusların əsas səylərini göstərdiyi ərazidir, lakin biz ukraynalılarla çox sıx əməkdaşlıq edərək, bu ərazinin, eləcə də onların bütün ərazilərinin müdafiəsinə kömək edəcəyik.
Braun həmçinin Ukrayna Müdafiə Qüvvələrinin təkcə Donbassda deyil, bütün cəbhə boyu döyüş qüdrətini artırmaqda davam edə bilməsinin vacibliyini qeyd edib.
Əli Babayev
