Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir
Qoç - Maraqlı və hadisələrlə zəngin gündür. Tənbəllik etməyin, süst davranmayın. Yeni layihələr və işlər uğurlu olacaq. Ən cəsarətli, avantüra təsiri bağışlayan istəyinizi dəstəkləyənlər olacaq. Müttəfiqləri uzun müddət aramağa ehtiyac yoxdur.
Yaxın ətrafınızdakı insanlarla dil tapmağa çalışın.
Günün ikinci yarısında gözlənilməz, amma çox xoş və maraqlı təklif ala bilərsiniz.
Dəyər verdiyiniz insanlarla ünsiyyət sizdə xoş əhval-ruhiyyə yaradacaq. Niyyətlərinizlə məramlarınızı konkretləşdirin. Köhnə dostlar özlərini yada salacaqlar. Axşam saatlarında normal istirahət edin.
Buğa - Günün ilk yarısında çətinliklər az olmayacaq. Qarşınıza qoyduğunuz məqsəddən imtina etməyin. Hədəfə sürətlə çatmağı ağlınızdan da keçirməyin. Qətiyyətli və iradəli olun, əzmkar davranın. İşin müqabilində əldə edəcəyiniz mükafat pis olmayacaq. Yaşlı qohumlarla ünsiyyətdə fayda var.
Kömək üçün müraciət edən insana yardım edin. Təcrübənizi bölüşməkdən çəkinməyin.
Günün ikinci yarısında maliyyə məsələlərini həll etməyə başlayın. İşgüzar intuisiyanız sizi yanıltmayacaq. Səfər və ya səyahət pis alınmayacaq. Evdən uzaqda yeni təəssüratlar istisna deyil.
Təəssüratlar xoş olacaq.
Əkizlər - Tələskənliyə yol verməyin. Düşünülməmiş addımlar atmayın. Çox sadə və primitiv təsir bağışlayan işlərin həllində ciddi, qətiyyətli, iradəli olun. İstirahət, əyləncə istəklərini unudun. Əhvalınız pis olmayacaq.
Günün ikinci yarısında dəyər verdiyiniz insanla ünsiyyətdə diqqətli və səmimi olun. Tənqid və iradları bol etməyin. Bu, qarşı tərəfdə inciklik yarada bilər. Yaxınlarınızın ünvanına zarafatlardan çəkinin. Onlar çox həssas və incik olacaqlar. Gündəlik həyatınızda faydalı ola biləcək yenilikləri əxz edin.
Axşam saatlarında gəzintiyə çıxın.
Xərçəng - Günün ilk yarısında hər şey yaxşıdır. Narahatlıq və nigaranlıq üçün heç bir səbəb yoxdur. Nəzərdə tutduğunuz layihəni reallaşdırmaq gözlədiyinizdən də asandır. Dostlar sizə yardım edəcəklər. Onlar problemlərin həllinin yeni variantını təklif edəcəklər. Ən yaxşı məziyyətlərinizi nümayiş etdirin.
Günün ikinci yarısı yeni tanışlıqlar üçün əlverişlidir.
Təxəyyülə qapılmayın, illüziyalara aldanmayın. Yaşanan olayları bədbin çalarlarda görməyin. Nikbin olun. Problemlərin həllində yaradıcı olun.
Axşam saatlarını əyləncəyə həsr edə bilərsiniz.
Şir - Günün ilk yarısında kiçik problemlər və anlaşılmazlıqlar ola bilər. Yaşananları ürəyinizə salmayın. Ciddi problemlərdən çəkinməyin. Kiçik çətinliklərin öhdəsindən gələcəksiniz.
Yeni tanışlıqlar yaxşı perspektivlər vəd edir.
Günün ikinci yarısında yaxınlarınızın qayğısına qalın. Onların rifahı ilə bağlı məsələləri qulaqardına vurmayın. Yardımlarınız qəbul olunacaq, dəyərləndiriləcək.
Qohumlar və dostlar üçün hədiyyələr alın. Sevdiyiniz insana sürpriz etməyi unutmayın.
Qız - Gün ciddi problemlər vəd etmir. Maliyyə problemlərinin həllində diqqətli və sayıq olun. Alış-verişdə bədxərclik etməyin. Ailə münasibətləri pis deyil. Yaxınlarınızla münasibətlərdə mübahisələr, problemlər istisna deyil. Hansısa məsələlərlə bağlı vahid mövqe əldə olunmazsa, narahat olmayın.
Günün ikinci yarısında maraqlı tərəfləri təmin edəcək həll variantını tapmaq olar. Ümumi, vahid məqsədə çatmaq üçün səyləri birləşdirməkdə fayda var.
Sizdən yaşlı və təcrübəli olanlar da dediklərinizə qulaq asacaqlar. Liderlik məziyyətlərinizi nümayiş etdirin. Axşam saatlarında səhhətinizdə problemlər ola bilər. Özünüzü qoruyun.
Tərəzi - Pozitiv emosiyalar vəd edən yaxşı gündür. İdeyalarınızın hamısı yaxşı olmasa da, onların arasında uğurlu olanları seçərək məqsədə doğru aparan yolda irəliləyə bilərsiniz.
Tamamilə yeni işlə məşğul olmaq mümkündür.
