Respublikaçılar Partiyasından prezidentliyə namizəd Donald Trampın erkən səsvermə ilə bağlı ritorikası onun partiyasının seçkidə qalib gəlməsinə mane ola bilər...
Poliqon xəbər verir ki, bu barədə Politico qəzeti bir neçə respublikaçıya istinadən yazıb.
Tramp çıxışlarında erkən səsvermə prosedurunu, xüsusən də poçtla səsverməni kəskin tənqid edib. Onun sözlərinə görə, seçicilərə göndərilən hər beş bülletendən biri saxtadır və poçt daşıyıcıları bəlkə də qəsdən yüz minlərlə sənədi itirə bilər.
Eyni zamanda, sentyabr ayında bir sıra ştatlarda erkən səsvermə başlayıb və respublikaçılar qorxurlar ki, Trampın ritorikası onları adi seçicilər arasında kampaniyaya daha çox vaxt ayırmağa, hələ seçimini etməyənlərlə isə daha az vaxt sərf etməyə məcbur edəcək.
Erkən səsvermənin üstünlüklərindən danışan Respublikaçı Mark Qraul jurnalistlərə açıqlamasında bildirib ki, indi Tramp hər şeyi məhv edir. Qraulun fikrini bir sıra digər partiya nümayəndələri də bölüşür.
Oktyabrın 4-də Tramp bildirib ki, ölkənin hazırkı vitse-prezidenti və Demokratlar Partiyasından dövlət başçısı vəzifəsinə namizəd Kamala Harris qalib gələrsə, ABŞ-da keçiriləcək prezident seçkiləri sonuncu ola bilər. Siyasətçinin sözlərinə görə, o, seçkilərdə qalib gəlməlidir, əks halda ABŞ cəhənnəmə gedəcək.
Poliqon.info
