21 yaşadək futbolçular arasında Avropa çempionatının seçmə mərhələsi çərçivəsində oktyabrın 12-də keçiriləcək Şimali İrlandiya - Azərbaycan oyununun hakim təyinatları açıqlanıb.
Bakıvaxtı.az xəbər verir ki, Ballimena şəhərində yerləşən “The Şouqraunds” stadionunda baş tutacaq qarşılaşmanı Farer adalarından olan hakimlər briqadası idarə edəcək.
Matçın baş hakimi Heini Ziskason Vidoy olacaq. Ona Dan Petur Pauli Hoyqaard və Yan Hermansen kömək edəcəklər. Dördüncü hakim funksiyasını Byarki Danielsen yerinə yetirəcək.
Qeyd edək ki, matç Bakı vaxtı ilə saat 18:00-da başlayacaq. /İdman.biz
