NATO üzvləri Türkiyə, Rumıniya və Bolqarıstan Rusiyanın Ukraynaya müdaxiləsi nəticəsində Qara dənizin onlara məxsus hissələrinə düşən minaları təmizləmək üçün birgə qüvvə yaratmaq barədə razılaşmaya yaxınlaşır.
Qaynarinfo bu barədə "Bloomberg"ə istinadən xəbər verir.
Üç ölkənin müdafiə nazirlərinin müavinləri minalardan təmizləmə bölməsinə dair təfərrüatlarını yekunlaşdırmaq üçün noyabrın 22-də Ankarada görüşməyə hazırlaşırlar, bu barədə üç anonim mənbə bildirib. Mənbələrdən biri deyib ki, iki günlük görüşdən sonra yekun razılaşmanın imzalanıb-imzalanmayacağı bəlli deyil.
Görüş Türkiyə Hərbi Dəniz Qüvvələrinin rəisi admiral Ərcüment Tatlıoğlunun ABŞ da daxil olmaqla, digər NATO müttəfiqlərinin Qara dənizdə dəniz qüvvələrinin olmasına qarşı çıxmasından və bölgədə gərginliyi daha da artıra biləcəklərini bildirməsindən bir neçə gün sonra baş tutub.
Razılaşma baş tutarsa, mina təmizləmə qüvvələri NATO əməliyyatı sayılmayacaq, lakin prezident Vladimir Putinin 2022-ci ilin fevralında Ukraynaya qarşı müharibə əmrini verdikdən sonra Qara dəniz müttəfiqlərinin ilk böyük birgə hərəkəti olacaq.
Nizami Bağırov
