İlon Maskın son 3 ayda Donald Trampın seçki kampaniyasına ümumilikdə 75 milyon dollar bağışladığı bildirilib. Qatil İsrail tərəfdarı Miriam Adelson da son 3 ayda Trampın seçki kampaniyasına 95 milyon dollar bağışlayıb.
Turkustan.az xəbər verir ki, noyabrın 5-də ABŞ-da keçiriləcək prezident seçkiləri üçün geri sayım davam edərkən, Respublikaçı Tramp milyarder iş adamlarının dəstəyi ilə demokrat rəqibi Kamala Harrislə seçki ianələrindəki fərqi aradan qaldırmağa çalışır.
Federal Seçki Komissiyasının (FEC) hazırkı məlumatlarına görə, amerikalı milyarder Mask iyul-avqust-sentyabr aylarını əhatə edən dövrdə Trampın seçki kampaniyasına ümumilikdə 75 milyon dollar ianə edib.
Dəfələrlə Trampa açıq dəstəyini ifadə edən və bu yaxınlarda Respublikaçı namizədin seçki mitinqinə qatılan Maskın yay dövründə Trampın ianələrinin artmasında mühüm rolu olub.
Digər tərəfdən, uzun müddətdir Trampın güclü tərəfdarı olan Miriam Adelson və Richard Uihlein kimi Respublikaçılar Partiyasının tərəfdarlarının bu müddət ərzində Trampa ianələrini artırdığı qeyd edilib.
Terror dövləti İsrailə dəstəyi ilə tanınan və Trampın 2016-2020-ci illərdə prezidentliyi dövründə İsrail lehinə addımlar atması üçün sıx səylər göstərən Adelson ailəsi bu müddət ərzində Trampa 95 milyon dollar bağışlayıb. Digər milyarder iş adamı Uihlein eyni dövrdə Trampın seçki kampaniyasına ümumilikdə 50 milyon dollar ianə edib.
FEC-in son məlumatlarına görə, Demokrat namizəd Kamala Harris son 3 ayda ümumilikdə 678 milyon dollar, Respublikaçı Tramp isə ümumilikdə 310 milyon dollar ianə toplayıb.
Eltac Zülfüqaroğlu/Turkustan.az
