1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Gəncə şəhərində mənzillərdən birində yanğın hadisəsi baş verib.
"Unikal"ın məlumatına görə, hadisə şəhərin Zərifə Əliyeva küçəsi, bina 6, mənzil 7 ünvanında ikimərtəbəli tikililərdən birində qeydə alınıb.
Belə ki, ikiotaqlı mənzilin birinci otağında baş verən yanğın digər otağa da keçib. Ev sahibi evdə olmadığından qonşular Fövqəladə Hallar Nazirliyinin Gəncə şəhər Dövlət Yanğından Mühafizə İdarəsinə zəng ediblər və hadisə yerinə iki yanğınsöndürən avtomobili və 20-yə yaxın canlı qüvvə cəlb olunub.
Yanğın söndürülüb və alovun qonşu mənzilə keçməsinin qarşısı alınıb. İlkin məlumata görə, hadisəyə səbəb elektrik naqillərində qısaqapanma olub.
Faktla bağlı araşdırma başlanılıb.
