“ABŞ və Rusiya prezidentləri Donald Tramp və Vladimir Putin arasında telefon danışığı barədə Kiyev əvvəlcədən məlumatlandırılmayıb”.
“Cebheinfo.az” xəbər verir ki, Ukrayna Xarici İşlər Nazirliyinin sözçüsü Georgi Tixi “Reuters” agentliyinə belə deyib.
“İddia edilən zənglə bağlı Ukrayna tərəfinin əvvəlcədən məlumatlandırıldığı barədə məlumat yalandır. Ona görə də Ukrayna bu müraciəti nə təsdiq edə, nə də ona qarşı çıxa bilərdi”, - deyə Tixi bildirib.
Qeyd edək ki, “The Washington Post” Trampa yaxın mənbələrə istinadən ABŞ-nin yeni seçilmiş prezidentiylə Rusiya Prezidenti arasında telefon danışığının olduğunu, Ukraynanın bu söhbətdən xəbərdar olduğunu və etiraz etmədiyini yazıb.
“Washington Post” anonim mənbələrə istinadən yazır ki, bu telefon danışığı zamanı ABŞ Prezidenti rusiyalı həmkarını Ukraynada müharibəni qızışdırmamağa çağırıb və müharibənin tezliklə həlli məsələsi ilə bağlı danışıqlarda maraqlı olduğunu bildirib.
