ABŞ-nin yeni seçilmiş Prezidenti Donald Tramp bildirib ki, Ağ Evdə hazırkı Prezident Co Baydenlə görüş zamanı onlar əvvəllər razılaşa bilmədikləri iki məsələni – Ukrayna müharibəsi və Yaxın Şərqdəki vəziyyəti müzakirə ediblər. Tramp söhbətin təfərrüatlarını açıqlamayıb.
Onun sözlərinə görə, o, Baydendən Ukrayna müharibəsi ilə bağlı fikrini istəyib və onu alıb. "Biz Yaxın Şərq haqqında da çox danışdıq. Harada olduğumuza dair onun fikrini öyrənmək istədim. Və bunu mənə verdi, o, çox mehriban idi", - Tramp "New York Post"la telefon söhbətində əlavə edib.
Trampın sözlərinə görə, o və Bayden bir-birlərini görməyə şad olublar və yanvarın 20-də baş tutacaq inauqurasiyadan əvvəl yenidən görüşməyə hazırlaşırlar. Bayden Trampı alqışlayıb və qeyd edib ki, o, yanvarda hakimiyyətin rəvan keçidini gözləyir.
Görüş ərəfəsində ABŞ-nin milli təhlükəsizlik üzrə müşaviri Ceyk Sallivan deyib ki, Bayden Ukraynaya davamlı dəstək verməyə və Kiyevdən əl çəkməməyə çağıracaq, çünki bu, Avropada daha böyük qeyri-sabitliyə gətirib çıxara bilər.
Seçki kampaniyası zamanı Tramp Ukraynada müharibəyə tezliklə son qoyacağına söz verib. Eyni zamanda, müxtəlif KİV-lərin mənbələri iddia edirlər ki, Trampın dəqiq planı yoxdur - münaqişənin sona çatması ilə bağlı ümumi baxış istisna olmaqla, yəqin ki, hər iki tərəfin güzəştləri ilə bağlıdır.
ABŞ-nin hazırkı administrasiyasının mövqeyi ondan ibarətdir ki, Rusiya ilə sülh şərtləri ilə bağlı istənilən qərarı Ukrayna hakimiyyəti verməlidir. Birləşmiş Ştatlar Ukraynaya "lazım olduğu qədər" təcavüzü dəf etməyə kömək etməyə hazırdır, lakin Amerika hərbçilərinin hərbi əməliyyatlarda birbaşa iştirakı olmadan və uzaqmənzilli silahlardan istifadə barədə qadağaya riayət etməklə...
“AzPolitika.info”
