Gürcüstanın separatçıların nəzarəti altında olan Abxaziya bölgəsində kütləvi etiraz aksiyaları başlayıb.
Modern.az-ın məlumatına görə, regionun mərkəzi olan Suxumidə etirazçıların separatçıların "parlament" və "prezident administrasiyası"nın binalarına hücum ediblər.
Separatçıların "lideri" Aslan Bjaniya mühafizəçiləri ilə birlikdə artıq binanı tərk edib. Etirazçılar “prezident sarayı"nın hasarını aşırdaraq əraziyə daxil olublar.
"Prezident sarayı"nın önündə ciddi qarşıdurma var. Təhlükəsizlik qüvvələri etirazçılara tüstü və səs qumbaraları, etirazçılar isə təhlükəsizlik qüvvələrinə yandırıcı maddələr atmağa başlayıblar.
