ABŞ-nin Ukraynanın Rusiya dərinliklərinə zərbələr endirmək üçün ABŞ silahlarından istifadə etməsinə icazə vermək qərarı müharibədə həlledici məqam ola bilər.
“AzPolitika” “Reuters”-ə istinadla xəbər verir ki, bunu Polşa Prezidenti Anjey Duda deyib.
Dudanın fikrincə, bu qərar çox zəruri idi, çünki Rusiya Ukraynanın güclü dəstəyə malik olduğunu və Qərbin mövqeyinin qətiyyətli olduğunu gördü: "Bu qərar bu müharibədə çox vacib, potensial həlledici məqamdır".
Eyni zamanda o, Almaniyanı öz siyasətini ABŞ-nin siyasəti ilə əlaqələndirməyəcəyinə dair bəyanatına görə tənqid edib. O, Almaniya kansleri Olaf Şoltsla Vladimir Putinin telefon danışığını pisləyib: “Almaniya, Almaniya mətbuatının qeyd etdiyi kimi, enerji müqavilələrinə qayıtmaq və yenidən Rusiyadan enerji resursları ala bilmək üçün Rusiya ilə hansısa razılaşma əldə etmək imkanlarını axtarır”.
“AzPolitika.info”
