Rusiya Prezidenti Vladimir Putin ölkənin nüvə silahından çəkindirmə sahəsində dövlət siyasətinin əsaslarını təsdiqləyib.
Senzor.az yerli KİV-ə istinadən bildirir ki, o, bununla bağlı müvafiq fərman imzalayıb.
Sənəddə qeyd olunub ki, Rusiyanın bu sahədə dövlət siyasəti müdafiə xarakteri daşıyır.
Eyni zamanda vurğulanıb ki, hərbi koalisiya tərkibindən hər hansı dövlətin Rusiyaya və ya onun müttəfiqlərinə qarşı təcavüzü bütövlükdə bu koalisiyanın təcavüzü kimi qiymətləndiriləcək.
Doktrinaya əsasən, nüvə silahının tətbiqi barədə qərar Rusiya Prezidenti tərəfindən verilir.
