Britaniya kəşfiyyat orqanları Rusiyanın Ukraynaya hücumu zamanı Dnepr çayına qitələrarası ballistik raket atması ilə bağlı xəbərləri “təcili olaraq” araşdırır.
NOCOMMENT.az xəbər verir ki, bu barədə “The Guardian” qəzetinə istinadən Britaniyanın baş naziri Key Starmerin nümayəndəsi anonimlik şərti ilə danışıb.
Nümayəndənin sözlərinə görə, “bu, qısamüddətli prosesdir”.
“Mən bu xəbərləri təcili araşdıran kəşfiyyat orqanlarımızı qabaqlamaq istəmirəm, lakin bu doğrudursa, bu, Rusiyanın ciddi, ehtiyatsız və kəskin davranışının növbəti nümunəsi olacaq və bu, bizim qətiyyətimizi gücləndirəcək”, – deyə o bildirib.
Hərbi Hava Qüvvələrinin məlumatına görə, Dnepr şəhərinə son raket hücumu zamanı Rusiya Federasiyası qitələrarası ballistik raketdən istifadə edib.
