"Roma"nın baş məşqçisi Klaudio Ranyeri İtaliya A Seriyasının 13-cü turunda səfərdə "Napoli"dən aldıqları məğlubiyyəti şərh edib.
Fanat.Az xəbər verir ki, "Football Italia" onun sözlərini belə çatdırıb:
"Geriyə basaq, müəyyən problemlərimiz olduğunu görərik. Elə buna görə də məni baş məşqçi təyin ediblər. Skudetto uğrunda mübarizə aparan rəqiblə qarşılaşdıq. Oyunçularımın çıxışından razıyam. Əlbəttə, bir neçə səhvə yol verdik və bunları həftə ərzində müzakirə edərək aradan qaldırmağa çalışacağıq. Amma komandanın uğura ac olduğu, əvvəlki səviyyəyə qayıtmaq istədiyi sezildi. Hələ çox işləməliyik. Mən nikbinəm.
Planımız topa daha çox özümüzdə saxlamaq idi ki, bunu da ikinci yarıda etdik. Bundan başqa, "Napoli"nin diaqonal keçidlərlə çox sayda təhlükəli vəziyyət yaratmasına mane olduq. Bəzən iki müdafiəçimiz Romelu Lukakunu izlədiyi üçün Kvaratsxeliya nəzarətsiz qalırdı. Xviça birinci dəqiqədə qapıçımızla təkbətək qalsa da, xoşbəxtlikdən Əl-Şaaravi vəziyyəti sığortaladı. Matç haqda çox danışmaq olar. Düşündüyüm budur ki, biz daha yaxşı oynaya bilərik".
Nihat
