Azərbaycan televiziya tarixində bir ilk gerçəkləşəcək. “İdman TV” kanalı basketbol üzrə Avroliqa turnirini yayımlayacaq.
“İdman TV” ölkəmizdə basketbol üzrə Avroliqa turnirinin eksklüziv yayım hüququna yiyələnib. Bu həftədən etibarən basketbol azarkeşləri Avropanın ən nüfuzlu turnirini izləyə biləcəklər.
Kanaldan verilən məlumata görə, hər tur istənilən sayda oyunun yayımlanması hüququ var. Proqrama uyğun olaraq telekanal maksimum sayda oyunları canlı yayımlamağa çalışacaq.
Xatırladaq ki, bu vaxta qədər bu mötəbər turnir Azərbaycan televiziya məkanında olmayıb. Son 2-3 il ərzində turnirin xeyli inkişaf etdiyini və böyük auditoriyaya sahib olduğunu nəzərə alsaq, “İdman TV”nin bu addımını alqışlamaq lazımdır.
Əlavə edək ki, turnirdə iki Türkiyə komandası da iştirak edir. Bu səbəbdən də, oyunlar Azərbaycan tamaşaçısı üçün xüsusi maraq kəsb edir.
