“Şapkalı Qalaktika”nın yeni şəkilləri ulduzların əmələ gəlməsi və əvvəlki proqnozlara zidd olan qalaktik strukturlar haqqında məlumat verir. JWST-nin araşdırmaları bu unikal qalaktika ilə bağlı bir çox suallara işıq salır və yeni araşdırmalara qapı açır.Astronomlar “Şapkalı Qalaktika” kimi tanınan NGC 4594-ün yeni və təəccüblü görüntülərini paylaşıblar. 1781-ci ildə Pierre Meçeyn tərəfindən kəşf edilən bu qalaktika ətrafını əhatə edən toz halqası ilə diqqəti cəlb edib və böyük papaq kimi göründüyü üçün belə adlandırılıb. Əvvəllər "Hubble" Teleskopu tərəfindən müşahidə edilən qalaktika indi "James Webb" Kosmik Teleskopunun (JWST) Orta İnfraqırmızı Aləti (MIRI) ilə daha ətraflı şəkildə araşdırılıb.JWST tərəfindən çəkilən yeni görüntülər qalaktikanın quruluşu ilə bağlı çoxlu təəccüblü məlumatlar təqdim edib. Əvvəlki proqnozlar ulduz əmələgəlmə mərkəzlərinin qalaktikanın toz halqasında tapıla biləcəyi idi. Bununla belə, yeni məlumatlar bu halqada demək olar ki, heç bir ulduz əmələ gəlməsinin olmadığını və bunun əvəzinə isti molekulyar qaz qruplarının olduğunu ortaya qoyub.Bundan əlavə, qalaktikanın mərkəzi ilə bağlı əvvəlki məlumatlar orada ulduzların halosunun olması lazım olduğunu irəli sürüb. JWST bu sahədə düz disk olduğunu və qalaktikanın qara dəliyinin gözlənildiyindən daha aşağı parlaqlıqlı nüvəyə malik olduğunu göstərib.“Şapkalı Qalaktika” təxminən 2 min qlobular ulduz çoxluğu ilə diqqət çəkir. Bu rəqəm qalaktikanın böyüklüyü ilə müqayisədə kifayət qədər yüksəkdir və onu digər qalaktikalardan fərqləndirən mühüm xüsusiyyətdir. Alimlər bu qədər qlobus ulduz klasterinin qalaktikanın quruluşuna və formalaşmasına necə təsir etdiyini anlamaq üçün gələcək müşahidələrə diqqət yetirəcəklər."James Webb" Kosmik Teleskopundan əldə edilən bu yeni tapıntılar qalaktikalar və ulduzların əmələ gəlməsi haqqında bilinənləri yenidən formalaşdıracaq məlumatlar təqdim edir. “Şapkalı Qalaktika”nın bu ətraflı təsvirləri astronomiyada yeni suallara və kəşflərə qapı açır.Mənbə: Science Alert
