İran Atom Enerjisi üzrə Beynəlxalq Agentliyinin (AEBA) Rəhbərlər Şurasının noyabrın 21-də Tehranı təşkilatla əməkdaşlıq etmədiyi iddiası ilə tənqid edən qətnaməsinə cavab olaraq zənginləşdirilmiş uran istehsalı üçün bir neçə min qabaqcıl qaz sentrifuqasını işə salıb.
Ucnoqta.az xəbər verir ki, bu barədə İranın Atom Enerjisi Təşkilatının (AEOI) rəhbəri Məhəmməd İslami məlumat verib.
Onun sözlərinə görə, vacib olan odur ki, İran məhsuldarlığı artırmaq imkanına və daha təkmil maşınlara malikdir.
Bununla belə, İslami qeyd edir ki, İranın nüvə proqramı yalnız dinc xarakter daşıyır, AEBA-nin nəzarəti altında həyata keçirilir və uranın zənginləşdirilməsi səviyyəsi hazırda nüvə sənayesinin inkişaf planı ilə müəyyən edilmiş 60%-i keçmir.
