Bakı. TurkicWorld
Hüquq müdafiəçiləri İsrailin Knessetdə (Parlamentdə) ərəb nümayəndələrini azaltmaq və onların siyasətə təsirini zəiflətmək məqsədi daşıyan qanunlar qəbul edilməsi üçün atılan addımları tənqid ediblər və bunun təhlükəli bir addım olduğunu bildiriblər.
Bu barədə TurkicWorld Arab.AZ-a istinadən xəbər verir.
Onlardan bəziləri bu qanunların “rəsmi şəkildə İsraili aparteid dövlətinə çevirdiyini” söylədi.
Mənbələr bildiriblər ki, Knessetdə ərəblərin faizi hazırda aşağıdır, çünki onlar “əhalinin təxminən 20 faizini təşkil edir, lakin onlar cəmi on nümayəndə ilə təmsil olunurlar, yəni 10 faizdən azdırlar və bu azmış kimi hökumət onları azaltmağa çalışır.
Knessetin qış sessiyasının başlaması ilə hökumət ərəblərin seçkilərdə rəqabətini çətinləşdirəcək qanuna dəyişiklik etmək üçün fəal şəkildə irəliləməyə başlayıb.
Qanun layihəsi hakim koalisiyanın rəhbəri Ofir Katz tərəfindən irəli sürülüb.
Ən son qanun layihəsi hər hansı dövlətin və ya “terrorçu” təşkilatın İsrail Dövlətinə və ya İsrail vətəndaşlarına qarşı “silahlı mübarizəsini” açıq və sistemli şəkildə dəstəkləyən hər kəsin namizədliyini qadağan edir, yeni qanun layihələri isə namizədliyin qadağan edilməsinin əhatə dairəsini genişləndirir. Dolayısıyla Fələstini dəstəkləyən istənilən ərəb terrorçudur və namizədliyi irəli sürülə bilməz.
Qanun layihəsinə görə, namizədin “terrorçuluğa” dəstək verdiyini ifadə edən bir fakt onun namizədliyinin ləğvi üçün kifayətdir.
Maraqlısı isə odur ki, qanun layihəsi Bension Gopstein və Baruch Marzel kimi ifrat sağçı yəhudilərin keçmişdə irqçiliyə təhrik səbəbilə Knessetdə namizədliyini irəli sürmələri qadağan olunsa da, hal-hazırda onların namizədliyinə mane olmur.
Qanun layihəsində İsrail vətəndaşlarına qarşı silahlı mübarizəyə dəstək verən namizədin diskvalifikasiya edilməsi, eyni zamanda fələstinlilərə qarşı terror əməliyyatları həyata keçirmiş ifrat sağçı fəalların namizədliyinə icazə verilməsi nəzərdə tutulur, çünki bu, diskvalifikasiya üçün bəhanə deyil.
