Cənubi Koreya ordusu prezident Yun Sok-Yeolu impiçmentdən xilas edə bilər.
Qaziler.az xəbər verir ki, bunu rusiyalı politoloq Yuri Svetov təxmin edib. “NEWS.ru” ilə söhbətində ekspert vurğulayıb ki, istefa mümkündür, çünki bu məsələ hələ hərbi vəziyyətin tətbiqindən əvvəl qaldırılıb.
Onun sözlərinə görə, əsas ittihamlar prezidentin özünə deyil, korrupsiyada və ölkə siyasətinə qanunsuz təsir göstərməkdə ittiham olunan həyat yoldaşına qarşı qaldırılıb. Politoloq qeyd edib ki, liderin iki dəfə hərbi vəziyyət elan etmək cəhdindən sonra parlament birləşə və impiçmentə nail ola bilər.
“Yeganə sual onun bu impiçmentlə razı olub-olmayacağı və ordunun ona nə qədər dəstək olacağıdır. O, parlamenti Şimali Koreya tərəfdarı olduğuna və ölkənin idarəçiliyinə müdaxilə etdiyinə görə qınamaqda davam edə bilər. Ola bilsin ki, hərbçilər onu dəstəkləsin, bunu istisna etmək olmaz”, - ekspert izah edib.
Svetov qeyd edib ki, Cənubi Koreya demokratik dövlət kimi göstərilir, lakin uzun onilliklər ərzində orada hərbi çevrilişlər adi hal olub. Bundan əlavə, ekspert vurğulayıb ki, son səkkiz prezidentdən altısı bu və ya digər şəkildə korrupsiyada ittiham olunub. O qeyd edib ki, amerikalılar prezidentə kömək edə bilər, çünki ABŞ hərbçilərinin böyük bir qrupu ölkədədir.
Ekspertin sözlərinə görə, Cənubi Koreya Vaşinqtondan asılıdır.
QAZİLER.AZ
