Rusiya Prezidenti Vladimir Putin Rusiya Xarici İşlər Nazirliyinin Rusiya və Belarus arasında “İttifaq Dövləti” (Rusiya və Belarus İttifaqı) çərçivəsində təhlükəsizlik zəmanətləri haqqında saziş imzalamaq təklifini qəbul edib.
Yeniavaz.com TASS-a istinadən xəbər verir ki, rəsmi hüquqi informasiya portalında dərc olunan Rusiya Federasiyası Prezidentinin sərəncamında deyilir: “Biz sazişin ən yüksək səviyyədə imzalanmasını məqsədəuyğun hesab edirik”.
Bildirilir ki, ən yüksək səviyyədə, yəni prezidentlər səviyyəsində növbəti Rusiya-Belarus görüşü dekabrın 6-da Minskdə “İttifaq Dövləti”nin Ali Dövlət Şurası çərçivəsində keçiriləcək.
Sənəddə həmçinin qeyd olunur ki, Rusiya Xarici İşlər Nazirliyinə bu müqavilənin imzalanması ilə bağlı danışıqlar zamanı öz layihəsinə dəyişikliklər etməyə icazə verilsin.
