1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Abşeron rayonu Masazır qəsəbəsinin sakinləri küçələrindəki bərbad vəziyyətdən şikayətçidirlər.
Bununla bağlı onlar Oxu.Az-a şikayət ünvanlayıblar.
Sakinlərin sözlərinə görə, ötən gün yağışdan sonra Masazır qəsəbəsi, Əliağa Vahid küçəsində fərdi yaşayış evlərinin həyətlərinə su dolub:
"Kanalizasiya suyu çəkmir. Yağış suları ətrafı basıb. Evlərə su dolub. Hazırda işə getməyə tələsənlər var, su o qədər çoxdur ki, çıxıb gedə bilmirik".
Sakinlərin iddiasına görə, ərazidə yaşayan bir ailəni Fövqəladə Hallar Nazirliyinin əməkdaşları ərazidən təxliyə ediblər.
Sözügedən məsələ ilə bağlı Abşeron Rayon İcra Hakimiyyətinə və Fövqəladə Hallar Nazirliyinə sorğu ünvanlanıb.
Ərazidən foto və videoları təqdim edirik:
Aygün Mirakif
