“Azərbaycan Xəzər Dəniz Gəmiçiliyi” QSC (ASCO) 2019-2023-cü illərdəki fəaliyyətini əhatə edən hesabat hazırlayıb. SİA ASCO-ya istinadən xəbər verir ki, hesabatda şirkətin tarixi, missiyası və strateji hədəfləri ilə yanaşı, əməliyyat və maliyyə nəticələri, təşkilati strukturu, donanmanın əsas fəaliyyət sahələri və marşrutları barədə məlumatlar yer alıb. Bundan başqa, sənəddə əməliyyatların səmərəliliyinin və gəlirliliyinin artırılması, müştərilərə dəstək, davamlı optimallaşma, işçilərin maddi və mənəvi rifahının təmin edilməsi, ASCO-da sağlamlıq və əməyin təhlükəsizliyi, ətraf mühitin mühafizəsi, insan resurslarının idarə edilməsi, korporativ idarəetmə və korporativ sosial məsuliyyət çərçivəsində görülən işlər haqqında təfsilatlı məlumatlar da əksini tapıb.
Hesabat sənədlərdə təqdim olunan informasiyadan sərbəst istifadəni təmin etmək məqsədilə Azərbaycan və ingilis dillərində hazırlanıb.
