İsveçrə parlamentindəki ən böyük partiya olan Mərkəzin Demokratik İttifaqının gənclər qanadının rəsmi nümayəndəsi Enzo Malorgio Birləşmiş Millətlər Təşkilatı qərargahının qarşısında taxtadan hazırlanmış “Sınıq kürsü” abidəsini zədələyən Femen hərəkatının ukraynalı fəallarının etirazını pisləyib. O, bu barədə X sosial şəbəkəsində məlumat verib.“Sizin hərəkətiniz tamamilə biabırçılıqdır, dünyaya və insanlığa tüpürməkdir. Minalara qarşı mübarizənin universal simvolu olan “Sınıq Kreslo”nu zədələməklə siz alçaqlıq həddini keçdiniz. Bu abidə onilliklər boyu davam edən diplomatik mübarizəni, xilas edilmiş həyatı və insan ləyaqətini əks etdirir. Sizin zəncirvari mişarlarınız təkcə ağacı kəsmədi, həm də sizin alçaqlığınızı və hərəkətlərinizin mənasızlığını üzə çıxardı”, - deyə Malorgio yazıb.Onun sözlərinə görə, hərəkat fəallarına İsveçrədə yer yoxdur. “İsveçrə sizin vəhşi üsullarınızı istəmir. Siz hər hansı tərəqqi və ədalət ideyasına canlı təhqirsiniz" deyə siyasətçi vurğulayıb.
