Samir Məcidov
Bakıda şəhid Rəfael Hüseynov adına 49 saylı Süni İntellekt Məktəbinin 95 illik yubileyi keçirilib.
Yenicag.az xəbər verir ki, tədbir məktəbin direktoru Elza Bağırzadənin giriş sözü ilə açılıb. O, rəhbərlik etdiyi təhsil ocağının 95 illik fəaliyyət yoluna nəzər salaraq, məktəbin uğurlu inkişafı və təhsil sahəsindəki nailiyyətləri haqqında məlumat verib.
Daha sonra Bakı şəhəri üzrə Təhsil İdarəsinin müdir müavini Anar Qədiməliyev çıxış edərək, təhsilin keyfiyyətində sözügedən məktəbin əvəzsiz qatqılarını vurğulayıb.
Tədbirdə şəhid valideynləri də iştirak edərək, illər ərzində məktəbin onlara göstərdiyi diqqət və qayğını yüksək qiymətləndiriblər.
Bundan əlavə, müxtəlif illərdə R. Hüseynov adına 49 saylı məktəbin məzunlarından ibarət videoçarx da təqdim olunub. Yubiley tədbiri musiqili çıxışlar və ifalarla davam edib.
Samir Məcidov
