Bakı, 14 dekabr, AZƏRTAC
Dekabrın 15-də havanın minimal temperaturu Bakıda və Abşeron yarımadasında 2° şaxtadan 1°-dək isti olacaq. Dekabrın 15-16-da Mərkəzi Aran rayonlarında 6°-dək, dağlarda 8-13°, dağlıq rayonlarda 18-23° şaxta olacağı gözlənilir. Bu səbəbdən bəzi yolların buz bağlayacağı ehtimalı var.
Bu barədə AZƏRTAC-a Milli Hidrometeorologiya Xidmətindən bildirilib.
“Vətəndaşlara gözlənilən hava şəraitini nəzərə almağı və yollarda ehtiyatlı olmağı tövsiyə edirik”, - deyə əlavə olunub.
