Rusiya Donetsk vilayətində Veseliy Qay və Puşkino qəsəbələrinin ələ keçirildiyini bildirib. Ölkənin Müdafiə Nazirliyindən verilən açıqlamada Rusiya Silahlı Qüvvələrinin Ukraynadakı gedişatı ilə bağlı yenilənmiş məlumatlar paylaşılıb.
Məlumatda deyilir: “Cənub mərkəzi hərbi birləşmələrinin aktiv hücumları nəticəsində Donetsk Xalq Respublikasının Veseliy Qay və Puşkino qəsəbələri azad edilib.
AN/MPQ-65 RLS, ABŞ istehsalı olan 4 ədəd “Patriot” zenit-raket kompleksinin buraxılış qurğusu, hərbi hava bazaları infrastrukturu, 146 rayondakı hərbi hissə və texnikanın toplandığı məntəqələr Rusiya hava qüvvələri, pilotsuz uçuş aparatları (PUA), raket və artilleriya bölmələrinin hücumları zamanı məhv edilib. Ukrayna Hərbi Hava Qüvvələrinə məxsus “Miq-29” döyüş təyyarəsi, ABŞ istehsalı olan HIMARS reaktiv yaylım atəş sistemindən atılan 8 raket və 116 təyyarə tipli PUA da müdafiə xəttində vurulub”.
