Ölkədaxili və ölkəxarici fırıldaqçılıq əməliyyatları fırıldaqçılıq halının baş verdiyi internet səhifə, mobil tətbiq, digər elektron şəbəkə və ödəniş avadanlığı üzrə təsnifləşdirilir.
Heftelik.az-ın məlumatına görə, bu, “Ödəniş statistikası hesabatının tərtibi və təqdim edilməsinə dair Təlimat”da əksini tapıb.
Ölkədaxili və ölkəxarici fırıldaqçılıq əməliyyatları GMA-nın tətbiqi edildiyi və edilmədiyi əməliyyatlar üzrə təsnifləşdirilir. Hesabat formasında fırıldaqçılıq əməliyyatlarının qeydiyyatı baş verdiyi tarix üzrə deyil, fırıldaqçılıq əməliyyatının olması təsdiq olunduğu tarix üzrə aparılmalıdır. Məsələn, 5 yanvar tarixində baş verən əməliyyatın fırıldaqçılıq əməliyyatı olması yanvar ayının sonunadək təsdiqləndikdə əməliyyat yanvar ayı üzrə qeyd edilməli, yanvar ayından sonra təsdiqləndikdə isə təsdiqləndiyi ay üzrə qeyd edilməlidir.
