Bəşər Əsəd rejimi 2018-2019-cu illərdə Suriyadan Rusiyaya təxminən 250 milyon dollar nağd pul çıxarıb və bu, ölkəni talan etməkdə ittiham edilib.
Suriya prezidenti Bəşər Əsəd rejimi ölkənin praktiki olaraq tükənmiş qızıl-valyuta ehtiyatlarına baxmayaraq, Suriyadan Rusiyaya təxminən 250 milyon dollar nağd pul çıxarıb. “Financial Times”-ın məlumatına görə, 2018-ci ilin martından 2019-cu ilin sentyabrına qədər böyük məbləğdə pul daşıyan təyyarələrlə 21 uçuş həyata keçirilib. Əsasən 100 və 500 avroluq əskinaslarda olan nağd pulun ümumi çəkisi iki tona yaxın olub. Təyyarələr Moskvanın “Vnukovo” hava limanına enib.
Qərb hökumətləri və Suriya müxalifəti Əsəd rejimini şəxsi varlanmaq və müharibəni maliyyələşdirmək üçün dövlət sərvətlərini oğurlamaqda ittiham edir.
Eyni zamanda, Suriya prezidentinin qohumları Moskvada kütləvi şəkildə lüks daşınmaz əmlak, o cümlədən “Moskva Siti” ərazisindəki yaşayış komplekslərində ən azı 19 mənzil almağa başladılar.
Almaz Həsənli
