Göygöldə ölümlə nəticələnən yol nəqliyyat hadisəsi baş verib.
APA-nın yerli bürosunun məlumatına görə, hadisə rayonum Çaykənd kəndi ərazisində qeydə alınıb. “Niva” markalı avtomobilin aşması nəticəsində sürücü, 1997-ci il təvəllüdlü H.Hacıyev hadisə yerində ölüb. Avtomobildə olan 2 nəfər isə xəsarət alıb. Onlar xəstəxanaya yerləşdirilib.
Qəzada ölən şəxsin Vətən müharibəsi iştirakçısı olduğu bildirilir.
Faktla bağlı araşdırma aparılır.
